Showing posts with label nila. Show all posts
Showing posts with label nila. Show all posts

നിറഞ്ഞൊഴുകണമെന്നുണ്ട് നിളയ്ക്ക്.....



ഇനിയൊരിക്കല്‍ക്കൂടി കൂലംകുത്തി കുതിച്ചോഴുകി 
തന്‍റെ പ്രതാപകാലത്തിലേക്ക്.........
ഓരോ മരണശയ്യയ്ക്കപ്പുറവും വീണ്ടുമൊരു 
ബാല്യമുന്ടെന്നാവര്‍ത്തിച്ചുറപ്പിക്കാന്‍ 
നിറഞ്ഞൊഴുകണമെന്നുണ്ട് നിളയ്ക്ക്.....



ചുഴിയൊരുക്കിയ മണല്‍ക്കുഴിക്കപ്പുറം
കൂന കൂട്ടിയ മണല്‍ക്കുന്നിനപ്പുറം 
കിലുകിലുങ്ങുന്ന കളകളാരവത്തിലേക്ക് 
നിറഞ്ഞൊഴുകണമെന്നുണ്ട് നിളയ്ക്ക്.....

മഴമീട്ടിയ താളത്തിനൊപ്പവും 
കിളിപാടിയ രാഗത്തിനോപ്പവും 
ഒളിവീശിയ കാറ്റിനോടോപ്പവും 
നിറഞ്ഞൊഴുകണമെന്നുണ്ട് നിളയ്ക്ക്.....
                                      - നിധി - 

(നിളാതീരത്തു കൂടിയൊരു ട്രെയിന്‍ യാത്രയില്‍.........)