വളപ്പൊട്ടും മയില്‍പ്പീലിയും

പറയാതെ പോയ പഴംവാക്കുകള്‍ പങ്കു വയ്ക്കാന്‍..... അക്ഷരങ്ങളോടു കൂട്ടുകൂടാന്‍ ഒരിടം...... നല്ലതും ചീത്തയും, അറിവും വെളിച്ചവും, അബദ്ധങ്ങളും മണ്ടത്തരങ്ങളും, കുശുമ്പും കുന്നായ്മയും, സ്നേഹവും പ്രണയവും, കള്ളവും ചതിയും എന്നുവേണ്ട, പെറുക്കി കൂട്ടിയ വളപ്പൊട്ടുകളും പുസ്തകതാളില്‍ ഒളിപ്പിച്ച മയില്‍പ്പീലികളും മനസ്സില്‍ സൂക്ഷിച്ച മഞ്ചാടി മണികളും ഞാന്‍ ഇവിടെ കുറിക്കുന്നു.... വരിക, യാത്ര പറഞ്ഞിറങ്ങും മുന്‍പേ ഒരു വരി കുറിക്കുക........ കൂട്ട് ചേരുക..... നമുക്ക് സ്വപ്നങ്ങളുടെ ഒരാകാശം തീര്‍ക്കാം...

Showing posts with label nandanam. Show all posts

mirror image

Mirror Image

എന്‍റെ കണ്ണാടി തെളിഞ്ഞ വെള്ളം പോലെ.....

തെളിഞ്ഞ വെള്ളം എന്‍റെ കണ്ണാടി പോലെ.....

പകല്‍ സൂര്യനും പൊന്‍ നിലാവും മുഖം നോക്കുന്ന

നിന്‍റെ മനസ്സുപോലെ.......

അതില്‍ നോക്കിയാല്‍ എനിക്കെന്നെ കാണാം

നിനക്ക് നിന്നെയും .......

പക്ഷേ...,

ഒരുനാള്‍ ഞാനതില്‍ കൈതൊട്ടു നോക്കി...

ഇന്നലെ താഴെ വീണു ചിതറിയ

എന്‍റെ കണ്ണാടി പോലെ...

അതില്‍ നിന്‍റെ മുഖം

ഭാവങ്ങള്‍ തിരിച്ചറിയാനാവാത്ത വിധം

പകുത്തു പോയിരുന്നു........

- നിധി -

ഓര്‍മകളുടെ മണം........

ഓര്‍മകളുടെ മണം........

ഓര്‍ത്തെടുക്കുമ്പോള്‍ ഓര്‍മകള്‍ക്ക് സുഗന്ധമുണ്ട്......

തൊടിയില്‍ വിരിഞ്ഞ മുല്ലയുടെ,

പൊന്‍ ചെമ്പകത്തിന്റെ,

ചട്ടിയില്‍ വറുത്ത ചക്കക്കുരുവിന്റെ,

താഴെ വീണു ചിതറിയ തേന്‍ വരിക്കയുടെ,

മഴ പെയ്തൊഴിഞ്ഞ ചേറു വയലിന്റെ,

കൊയ്ത്തു കൂട്ടിയ നെല്ക്കതിരിന്റെ,

മഞ്ഞ പടര്‍ന്ന പുസ്തകത്താളിന്റെ ...

ഓരോ മണവും ഓരോ ആനന്ദങ്ങളുടെ അടയാളങ്ങളാണ് ......

ചില ഓര്‍മകള്‍ക്ക് പ്രണയത്തിന്റെ മണമാണ്.....

ഒന്നിച്ചു നനഞ്ഞ മഴയുടെയും,

ഒരു വാക്ക് പോലും പറയാതെ പിരിഞ്ഞു പോയ വേനലിന്റെയും ഓര്‍മ്മകള്‍ സൗഹൃദത്തിനു സ്വന്തം.......

അമ്മിഞ്ഞപ്പാലിന്റെ മണമായിരുന്നു ബാല്യത്തിനു.....

പിന്നീടെപ്പോഴോ അത് പുതിയ പുസ്തകത്തിന്റെയും

പുതു മഴയുടെയും മണമായി ...

വേനലവധിക്ക് മൊരിഞ്ഞ ഉണ്ണിയപ്പത്തിന്റെ മണമുണ്ട്...

പഴുത്ത മാങ്ങയുടെയും.....
യക്ഷിയുടെ ഓര്‍മകള്‍ക്ക് പാലപ്പൂ മണമാണ്....

സന്ധ്യക്ക്‌ കര്‍പ്പൂരത്തിന്റെ മണം.....

എന്റെ ഓര്‍മകള്‍ക്ക് നിന്റെ മണവും ......

- നിധി & മാളു

Touch (ടച്ച്‌)

Touch...

തിങ്ങിനിറഞ്ഞ ട്രയിനിലെ ജനറല്‍ കംപാര്‍റ്റ്മെന്‍റില്‍ ഉരുകിയൊലിച്ചിരുന്നപ്പോള്‍ കറങ്ങാന്‍ മടിച്ചു നിന്ന ഫാനിലെക്കൊന്നു പാളി നോക്കി.. അപ്പര്‍ ബര്‍ത്തില്‍ ഉറങ്ങാന്‍ തുടങ്ങിയ ബുദ്ധിജീവി പോക്കറ്റില്‍ നിന്നെടുത്ത മഷിപ്പേന കോണ്ടു ഫാനിന്‍റെ ഇതളില്‍ ഒന്ന് തൊട്ടു. ഓടിത്തുടങ്ങിയ ഫാന്‍ കണ്ടു ജോലി തേടി മദിരാസിക്കിറങ്ങിയ അഭ്യസ്ത വിദ്യരില്‍ നിന്നൊരുവന്‍ മൊഴിഞ്ഞു "അതിലും touch.....!!!".

കയ്യിലെ സ്മാര്‍ട്ട്‌ ഫോണിന്‍റെ സ്ക്രീനില്‍ പെരുവിരല്‍ കൊണ്ട് സ്വയ്പ് ചെയ്തപ്പോള്‍ പഴയ കൂട്ടുകാരിയുടെ മെസ്സേജ് "keep in touch ....!!!"

അപ്പോഴും പുരുഷാരത്തിനു നടുവില്‍ ഒറ്റയ്കു നിന്ന പെണ്‍കുട്ടിയുടെ മുഖഭാവം പറയാതെ പറഞ്ഞു കൊണ്ടിരുന്നു "Dont touch me....!"

-നിധി